एउटा व्यापारीसंग सामान तौल गर्नको लागि जम्मा ५ वटा ढकहरु छन् । उनीकहाँ सामान खरिद गर्न आउने ग्राहकलाई यिनै ढकहरुबाट १०० केजीसम्म (ग्राम बाहेक) को सामान तौलेर दिन सक्छन् । अब भन्नुहोस् उनीसंग कति कति केजीका ढकहरु थिए होलान् ?

यसको सही उत्तर होः १, ३, ९, २७ र ८१ केजीका ढकहरु

कुनै पनि तराजुको दुई पल्ला हुने भएकोले यसरी परीक्षण गर्नुहोस् ।

यसरी १, ३, ९, २७ र ८१ केजीका ढकहरु तराजुका एकातर्फ मात्र वा दुवैतर्फ राखेर सन्तुलन हेर्दै जानुहोस् । यिनै ढकले १०० केजीसम्म तौल गर्न सकिन्छ ।