बाल देउसी गीत २
(कस्तुरीको बीना लयमा)
खाने, लाउने, पढ्ने, खेल्ने, हाम्रो अधिकार
मायाँ पाउने हाम्रो हक, आयौँ खोज्दै सारा २ लै लै
सबलाई नमस्कार ।
तिहारैमा रची ल्यायौँ, बालकको नाच
हेरिदिनुस् आमा, बुबा, सबै मिली आज २ लै लै
छोडी काम काज ।
पूर्वबाट उदाइ आए सूर्य भगुवान
ज्ञानी बन्ने, महान बन्ने, देऊ है वरदान २ लै लै
हेर्दै नाचगान
दिनरात उँधै बग्ने भगवती पानी
आमाबुबा मिले मात्रै हामी हुन्छौँ ज्ञानी २ लै लै
सिक्छौँ असल बानी
यताउता जताततै वायु, अग्नी देउता
समाज राम्रो बनाइदिनोस्, बिन्ति यही एउटा २ लै लै
बिन्ति यही एउटा
आमा, बुबा, गुरु जस्तै हाम्रो जन्मभूमि
रमाउँदै छौँ, साथ दिनोस्, नाच्छौँ घुमीघुमी २ लै लै
सगर चुमीचुमी
हाँसिदेऊ नाचिदेऊ तर
दुई दिनको जीवनको के भर ।
