हार्दीक श्रद्धाञ्जली
व्यर्थैमा क्षतिभो मनुष्य, धनको, निम्त्यो ठुलो आपत
पार्यो चोट कठोर, छोडि कहिल्यै खाटा नबस्ने खत ।
हाहाकार गराइ, टुटाइ सपना, दुर्दिन् दशाले छली
त्याग्ने ज्यान अकाल, ती मृतकमा, हार्दीक श्रद्धाञ्जली ।।
खप्ने शोक महा विछोड घडिको, सम्पूर्ण आफन्तमा
धैर्य धारणको यथा बल मिलोस्, हार्दीक सम्वेदना ।
पीडादायि भविष्यको जुनसुकै, संकष्ट बाधा टरोस्
अर्को बार अकल्पनीय घटना, कैल्यै नदेख्नु परोस् ।।
