पराकम्पन
“आयो ! आयो !!” “ऊ.. त्यो हल्लियो !!! ”
“यो त पराकम्पन नै हो अस्तिको”
“हैन, हैन, पराकम्पन हुँदै होइन यो”
यस्तै दिकभ्रम, आशंका र दुःस्वप्नले
मथिङ्गललाई नै केन्द्रबिन्दू बनाएर
जान्छ अर्को कल्पित भुइँचालो, कसैकसैको दिलोदिमागमा
अङ्ग-प्रत्यङ्ग र समस्त जीउ कम्पन गराउँदै
पार्छ उथलपुथल हजारौँका अत्तालिएका मनहरु !
फलतः सलबलाउलान् कल्पित पराकम्पन, सुदूर भविष्यको गर्तमा
आतंकित, विश्रङ्खलित र विखण्डित नै बन्न पुग्लान् उनीहरु
बिन्ति, ‘प्रोपोगान्डा’ नै हो भने नमच्चाइदेऊ ।
