अजमरी जवानीको धीत खोज्दैछु ।
पराइको माझमा आज हित खोज्दैछु
पोल्दो घाउ शितल पार्ने गीत खोज्दैछु
कल्ले भन्छ दुईबीसेक भोटो च्यात्तियो
अजमरी जवानीको धीत खोज्दैछु ।
आँफैसंग भिड्नसक्ने मीत खोज्दैछु
तर दुवै नहार्ने जीत खोज्दैछु
कल्ले भन्छ मायाँ दिई मुटु रित्तियो ?
प्रिति फिँजाइ राख्न मिल्ने रीत खोज्दैछु ।
साँच्चै भन्छु लाउन मिल्ने प्रित खोज्दैछु
आश्रयको खडेरीमा आश्रित खोज्दैछु
कल्ले भन्छ यौवन कालको फोटो च्यात्तियो
मर्त्यलोक नै स्वर्ग बन्ने अमृत खोज्दैछु ।
