Free songs
Home / कविता / लकडाउन

लकडाउन

जब एक् महिना लकडाउन भो
पतिदेव असाध्य सुधा हुनुभो ।
घरि लेखकतुल्य उदाउनुभो
घरि बालकतुल्य निदाउनुभो ।

अघि बारतिरै कति धाउनुभो
घरकी समझीकन आउनुभो
पहिलो दिन नेत्र जुधाउनु भो
परिवार निमित्त खुदा हुनुभो ।

उहिले हुनुसम्म कडा हुनुभो
अहिले नतमस्त खडा हुनुभो 
खुद भात तिहून पकाउनुभो
खुद बर्तन, खात-लुगा धुनुभो ।

उहिले घरदेखि फिका हुनुभो
अहिले सबदेखि निका हुनुभो
नरिसाउ भनेर फकाउनुभो
पढ आउ भनेर सिकाउनुभो ।

उहिले झिरतुल्य बिझाउनुभो
अहिले हुनुसम्म रिझाउनुभो
ममतामय आँशु बगाउनुभो
झगडा रिसराग भगाउनुभो ।

पहिले घरदेखि अघाउनुभो
अहिले कति प्रेम जगाउनुभो
घरको जति काम सघाउनुभो
घरि नाचनुभो घरि गाउनुभो ।

जब एक् महिना लक डाउन भो
मतभेद सबै नक डाउन भो
पतिजीप्रतिको शक डाउन भो 
पतिजीसँगको धक डाउन भो ।

सरकार विवेक पुर्याउनुभो 
घरबार दुरुस्त जुराउनुभो 
घरमा पतिको हक डाउन भो 
जब एक् महिना लक डाउन भो !!

 129 total views,  2 views today

About Purna Oli

Leave a Reply

Your email address will not be published. Required fields are marked *

*

Scroll To Top